റോഡ്​ നവീകരണത്തിന്​ 3.96 കോടി അനുവദിച്ചു

കൊണ്ടോട്ടി: വിവിധ പദ്ധതികളിൽ ഉൾപ്പെടുത്തി കൊണ്ടോട്ടി മണ്ഡലത്തിലെ അഞ്ച് റോഡുകളുടെ പുനരുദ്ധാരണ പ്രവൃത്തികൾക്ക് 3.96 കോടി രൂപ അനുവദിച്ചു. ബജറ്റിൽ ഉൾപ്പെടുത്തി പൊന്നാട്-വാഴക്കാട് റോഡ് റബറൈസ് ചെയ്യാൻ മൂന്ന് കോടിയും നീറാട്-വലിയപറമ്പ്-ആലുങ്ങൽ റോഡ് റബറൈസ് ചെയ്യാൻ 78 ലക്ഷം രൂപയും വെള്ളപ്പൊക്ക ദുരിതാശ്വാസ പദ്ധതിയിൽ ഉൾപ്പെടുത്തി തമ്പാരപറമ്പ്-ചേലക്കര പുതിയോടത്ത് പറമ്പ് റോഡിന് മൂന്നുലക്ഷവും ആലക്കപറമ്പ് ചെമ്മലപ്പറമ്പ് റോഡിന് നാല് ലക്ഷവും കുനത്തടായി-കാളകണ്ടി എസ്.സി കോളനി റോഡിന് എട്ട് ലക്ഷവുമാണ് അനുവദിച്ചത്. കൊണ്ടാട്ടിയിൽ ഹോർട്ടികോർപ് ഔട്ട്ലെറ്റ് പരിഗണനയിൽ -മന്ത്രി മലപ്പുറം: കൊണ്ടോട്ടിയിൽ ഹോർട്ടികോർപ് ഔട്ട്ലെറ്റ് ആരംഭിക്കുന്നത് പരിഗണിക്കുമെന്ന് കൃഷിമന്ത്രി വി.എസ്. സുനിൽകുമാർ. നിയമസഭയിൽ ടി.വി. ഇബ്രാഹീം എം.എൽ.എയുടെ ചോദ്യത്തിന് മറുപടി നൽകുകയായിരുന്നു മന്ത്രി.