11.45 ലക്ഷം കള്ളപ്പണം പിടികൂടി

കുഴൽമന്ദം: പാലക്കാട്ടുനിന്ന് തിരുവനന്തപുരത്തേക്ക് പോവുകയായിരുന്ന കെ.എസ്.ആർ.ടി.സി ബസിൽനിന്ന് 11.45 ലക്ഷം രൂപയുടെ കള്ളപ്പണം പിടികൂടി. വയനാട് സ്വദേശിയായ വിബീഷിൽനിന്നാണ് (22) പണം പിടികൂടിയത്. വെള്ളിയാഴ്ച രാവിലെ 11ന് എക്സൈസ് റേഞ്ച് ഇൻസ്പെക്ടർ ജി. ഉദയകുമാറും സംഘവും ദേശീയപാത ചിതലിയിൽ നടത്തിയ വാഹന പരിശോധനയിലാണ് ഇയാൾ പിടിയിലായത്. തുകയും പ്രതിയെയും തുടർനടപടികൾക്ക് കുഴൽമന്ദം പൊലീസിന് കൈമാറി. അസി. എക്സൈസ് ഇൻസ്പെക്ടർ കെ.പി. രാമചന്ദ്രൻ, പ്രിവൻറിവ് ഓഫിസർമാരായ സി.എൻ. മനോജ് കുമാർ, വൈ. സയ്യിദ് മുഹമ്മദ്, സിവിൽ എക്സൈസ് ഓഫിസർമാരായ എൽ. രാജേഷ്, ആർ. വിനീത്, എ. സജീവ്, ഡ്രൈവർ വി. രാധാകൃഷ്ണൻ എന്നിവർ പരിശോധനയിൽ പങ്കെടുത്തു. പടം കള്ളപ്പണവുമായി എക്സൈസ് പിടികൂടിയ വിബീഷ്