മലിനീകരണ നിയന്ത്രണ ബോർഡ്​ പുരസ്​കാരം അഹല്യക്ക്​

പാലക്കാട്: വ്യവസായ-വ്യവസായേതര വിഭാഗത്തിൽ സംസ്ഥാന മലിനീകരണ നിയന്ത്രണ ബോർഡി​െൻറ പുരസ്കാരം അഹല്യ കണ്ണാശുപത്രി സ്വന്തമാക്കി. ഈ വിഭാഗത്തിൽ ഒന്നാംസ്ഥാനത്തോടെയാണ് പുരസ്കാരം. അഹല്യ പ്രോജക്ട്സ് മാനേജർ കെ.കെ. ചന്ദ്രൻ, അഹല്യ മണി എക്സ്ചേഞ്ച് മാനേജർ ആനന്ദ് ലക്ഷ്മിനാരായൺ എന്നിവർ ഏറ്റുവാങ്ങി. വ്യവസായ മന്ത്രി എ.സി. മൊയ്തീൻ പുരസ്കാര വിതരണം നടത്തി. മികവുറ്റ മാലിന്യ സംസ്കരണ പദ്ധതികളോടൊപ്പം പരിസ്ഥിതി സംരക്ഷണത്തിലുമുള്ള മികവാണ് അഹല്യക്ക് അവാർഡ് ലഭിക്കാൻ കാരണമായത്. ഇത് തുടർച്ചയായ പത്താം തവണയാണ് മലിനീകരണ നിയന്ത്രണ ബോർഡി​െൻറ അംഗീകാരം അഹല്യയെ തേടിയെത്തുന്നത്.