മോർച്ചറിയിലെ മലിനജലം: പ്രതിഷേധവുമായി പ്രദേശവാസികൾ

നിലമ്പൂർ: ജില്ല ആശുപത്രി മോർച്ചറിയിൽനിന്നുള്ള മലിനജലം പുറത്തേക്ക് ഒഴുകുന്നതിനെതിരെ പ്രദേശവാസികൾ പ്രതിഷേധവുമായി ആശുപത്രിയിലെത്തി. നീലാംബരി െറസിഡൻറ്സ് അസോസിയേഷ‍​െൻറ നേതൃത്വത്തിലാണ് സൂപ്രണ്ടി‍​െൻറ മുന്നിൽ പ്രതിഷേധവുമായെത്തിയത്. പോസ്റ്റ്മോർട്ടം ചെയ്യുന്ന സമയത്തുള്ള മലിനജലം റോഡ് വഴി പ്രദേശത്ത് പരന്നൊഴുകുകയാണ്. മഴസമയങ്ങളിൽ ഇത് കിണറുകളിലേക്കും ഒഴുകിയെത്തുന്നുണ്ട്. കഴിഞ്ഞ മഴക്കാലത്തും സമാന പ്രശ്നമൂലം നാട്ടുകാർ പ്രതിഷേധവുമായെത്തിയിരുന്നു. അന്ന് താൽക്കാലിക സംവിധാനം ഒരുക്കി പരിഹരിക്കുകയാണ് െചയ്തത്. അടുത്ത മാനേജ്മ​െൻറ് കമ്മിറ്റി യോഗത്തിൽ വിഷയം ചർച്ചചെയ്യാമെന്നും സ്ഥിരം സംവിധാനത്തിനായ് ട്രീറ്റ്മ​െൻറ് പ്ലാൻറ് നിർമിക്കുന്നതിന് ശിപാർശ ചെയ്യാമെന്നും ആശുപത്രി സൂപ്രണ്ട് ഡോ. സി. ഹമീദ് ഉറപ്പ് നൽകി. നഗരസഭ കൗൺസിലർ ഗിരീഷ് മോളൂർ മഠത്തിൽ, അസോസിയേഷൻ ഭാരവാഹികളായ ആർ. രാജീവ്, കെ. ദിവിൻ, ഇ.വി. സത‍്യജിത്ത്, പ്രദേശവാസികളായ സംഗീത് കോവിലകത്ത് മുറി എന്നിവർ പ്രതിഷേധത്തിന് നേതൃത്വം നൽകി. പടം:1 നിലമ്പൂർ: ജില്ല ആശുപത്രി മോർച്ചറിയിലെ മലിനജലം ജനവാസകേന്ദ്രത്തിലേക്ക് ഒഴുകുന്നതിനെതിരെ നാട്ടുകാർ ആശുപത്രി സൂപ്രണ്ടി‍​െൻറ മുന്നിൽ പ്രതിഷേധിക്കുന്നു