ആരോഗ്യസമിതി യോഗം

വണ്ടൂർ: പോരൂർ ഗ്രാമപഞ്ചായത്തിൽ ശനിയാഴ്ച നടത്തുന്ന സമ്പൂർണ മാലിന്യമുക്ത ക്ലീൻ പോരൂർ പ്രവർത്തന ഭാഗമായി വാർഡ്തല ശുചിത്വ അയനിക്കോട് നടന്നു. വാർഡ് മെംബർ എം. മുജീബ് മാസ്റ്റർ ഉദ്ഘാടനം ചെയ്തു. ജൂനിയർ ഹെൽത്ത് ഇൻസ്പെക്ടർ കെ. അഭിലാഷ് പ്രവർത്തന വിശദീകരണം നടത്തി. തുടർപ്രവർത്തനങ്ങളുടെ ഭാഗമായി എട്ട് സ്ക്വാഡുകളായി വാർഡിലെ 450 വീടുകൾ ഉറവിട നശീകരണവും ബോധവത്കരണവും നടത്തും. യോഗത്തിൽ കുടുംബശ്രീ, ആശ, അംഗൻവാടി പ്രവർത്തകർ, ക്ലബ് പ്രവർത്തകർ, കൗമാര ക്ലബ് പ്രതിനിധികൾ, രാഷ്ട്രീയ സന്നദ്ധ സംഘടന പ്രവർത്തകർ എന്നിവർ പങ്കെടുത്തു.