ആറാം പ്രവൃത്തിദിന കണക്കെടുപ്പ് നീട്ടിവെക്കണം -കെ.പി.എസ്.ടി.എ

മലപ്പുറം: ജില്ലയിലെ സ്കൂളുകൾ തുറക്കുന്നത് ജൂൺ 12ലേക്ക് നീട്ടിെവച്ച സാഹചര്യത്തിൽ ആറാം പ്രവൃത്തിദിന കണക്കെടുപ്പ് മറ്റു ജില്ലകൾക്കൊപ്പം വെള്ളിയാഴ്ച നടത്താനുള്ള തീരുമാനം പുനഃപരിശോധിക്കണമെന്ന് കേരള പ്രദേശ് സ്കൂൾ ടീച്ചേഴ്സ് അസോസിയേഷൻ (കെ.പി.എസ്.ടി.എ) ജില്ല കമ്മിറ്റി ആവശ്യപ്പെട്ടു. പ്രവൃത്തിദിനമല്ലാത്തപ്പോൾ കണക്കെടുക്കുന്നത് അധ്യാപക തസ്തികകൾ നഷ്ടപ്പെടുന്നതിനിടയാക്കും. സംസ്ഥാന ഉപാധ്യക്ഷൻ വി.കെ അജിത്കുമാർ ഉദ്ഘാടനം ചെയ്തു. ജില്ല പ്രസിഡൻറ് കെ. അബ്ദുൽ മജീദ് അധ്യക്ഷത വഹിച്ചു. എം.കെ. സനൽകുമാർ മുഖ്യപ്രഭാഷണം നടത്തി. ഇ. ഉദയചന്ദ്രൻ, പി.ടി. ജോർജ്, ജോജൊ മാത്യു, ടി.ടി. റോയ് തോമസ്, ഒ.പി.കെ. അബ്ദുൽ ഗഫൂർ, സി.വി. സന്ധ്യ എന്നിവർ സംസാരിച്ചു. കെ.എൽ. ഷാജു സ്വാഗതവും സി. ജയേഷ് നന്ദിയും പറഞ്ഞു.