അനധികൃത വിദേശമദ്യവുമായി മധ്യവയസ്കൻ പിടിയിൽ

പൂക്കോട്ടുംപാടം: വിൽപനക്കിടെ മധ്യവയസ്ക്കനിൽനിന്ന് അനധികൃത വിദേശമദ്യം പിടികൂടി. കരുളായി ചെട്ടിയിൽ സ്വദേശി അക്കരകാട്ടിൽ സുകുമാരനെയാണ് (45) വാഹന പരിശോധനക്കിടെ പൂക്കോട്ടുംപാടം എസ്.ഐ വി. വിഷ്ണുവും സംഘവും മദ്യം പിടികൂടിയത്. സ്കൂട്ടറിൽ സൂക്ഷിച്ച വിവിധ ബ്രാൻഡുകളുടെ മൂന്നര ലിറ്റർ അനധികൃത വിദേശമദ്യമാണ് പൊലീസ് കണ്ടെത്തിയത്. എസ്.ഐയെ കൂടാതെ സിവിൽ പൊലീസ് ഓഫിസർമാരായ ടി. നിബിൻദാസ്, എം.എസ്. അനീഷ്, വിനീഷ്, പി. ആഷിഖ് എന്നിവരും സംഘത്തിലുണ്ടായിരുന്നു.