400 വയോധികർക്ക് കട്ടിൽ വിതരണം ചെയ്തു

മഞ്ചേരി: നഗരസഭയിൽ 60 പിന്നിട്ട 400 പേർക്ക് കട്ടിൽ നൽകി. പട്ടികജാതി വിഭാഗക്കാർക്കായി 2017-18 വർഷം തയാറാക്കിയതാണ് പദ്ധതി. 16.32 ലക്ഷം രൂപയാണ് ചെലവിട്ടത്. നഗരസഭയിൽ നടന്ന ചടങ്ങിൽ ചെയർപേഴ്സൺ വി.എം. സുബൈദ ഉദ്ഘാടനം ചെയ്തു. വൈസ് ചെയർമാൻ വി.പി. ഫിറോസ് അധ്യക്ഷത വഹിച്ചു. സ്ഥിരംസമിതി അധ്യക്ഷരായ വല്ലാഞ്ചിറ മുഹമ്മദലി, സാബിറ കുരിക്കൾ, എ.എം. സജ്ന, സമീറ മുസ്തഫ തുടങ്ങിയവർ പങ്കെടുത്തു.