പച്ചക്കറിതൈ വിതരണം

കാളികാവ്: 'ഒാണത്തിന് ഒരു മുറം പച്ചക്കറി' പദ്ധതിക്ക് വേണ്ടി കാളികാവ് കൃഷിഭവനില്‍നിന്ന് സൗജന്യമായി പച്ചക്കറി തൈകള്‍ വിതരണം ചെയ്തു. സ്‌കൂളുകളിലേക്കും മറ്റുമുള്ള പച്ചക്കറി വിത്തുകളും കൃഷിഭവനുകളില്‍ എത്തിയിട്ടുണ്ടെന്ന് കൃഷി ഓഫിസര്‍ എസ്. മുരളീധരന്‍ പറഞ്ഞു. വഴുതന, തക്കാളി, പച്ചമുളക് എന്നിവയുടെ തൈകളാണ് ഇപ്പോള്‍ വിതരണം ചെയ്തത്. പഞ്ചായത്ത് വൈസ് പ്രസിഡൻറ് സി.ടി. അസ്മാബി വിതരണോദ്ഘാടനം നിർവഹിച്ചു. അംഗങ്ങളായ പി. ചാത്തുക്കുട്ടി, പാലേങ്ങര നാസര്‍, എം.കെ. ഫിറോസ് എന്നിവര്‍ നേതൃത്വം നല്‍കി.