ലൈഫ് ഭവനപദ്ധതി: ആദ്യഗഡു കൈമാറി

തുവ്വൂർ: ലൈഫ് ഭവന പദ്ധതിയുടെ ഉപഭോക്താക്കൾക്ക് ആദ്യഗഡു കൈമാറി. ഗ്രാമപഞ്ചായത്തിലെ 74 പേർക്ക് 40,000 രൂപ വീതമാണ് കൈമാറിയത്. വിതരണോദ്ഘാടനം ഗ്രാമപഞ്ചായത്ത് പ്രസിഡൻറ് തെറ്റത്ത് ബാലൻ നിർവഹിച്ചു. വൈസ് പ്രസിഡൻറ് പി. ഉമ്മുസൽമ, സ്റ്റാൻഡിങ് കമ്മിറ്റി ചെയർമാന്മാരായ സി. മുഹമ്മദ്, ഇ. പ്രസന്നകുമാരി, ഒ.വി. ബാപ്പു, മെംബർമാരായ അക്ബർ, ശിഹാബ്, റംലത്ത്, തസ്ലീന, സാലിയ, വിമല, ആസൂത്രണ സമിതി വൈസ് ചെയർമാൻ പി. ഗോപി, വി.ഇ.ഒ. ഷെരീഫ്, അഹമ്മദ് എന്നിവർ സംസാരിച്ചു.