വിജയികൾക്ക് ജനസ്വരയുടെ ആദരം

വള്ളിക്കുന്ന്: എസ്.എസ്.എല്‍.സി-പ്ലസ് ടു പരീക്ഷയില്‍ മുഴുവന്‍ വിഷയങ്ങള്‍ക്കും എ പ്ലസ് നേടിയ വള്ളിക്കുന്ന് പഞ്ചായത്തിലെ 49 വിദ്യാർഥികളെ ജനസ്വര ചാരിറ്റബിള്‍ ട്രസ്റ്റ് ആഭിമുഖ്യത്തില്‍ ആദരിച്ചു. മിടുക്കരായ വിദ്യാർഥികള്‍ക്ക് പഠനോപകരണം നല്‍കി. പഞ്ചായത്ത് പ്രസിഡൻറ് വി.എന്‍. ശോഭന ഉദ്ഘാടനം ചെയ്തു. കെ.വി. രാജീവ് അധ്യക്ഷത വഹിച്ചു. വികസന സ്റ്റാൻഡിങ് ചെയര്‍മാന്‍ നിസാര്‍ കുന്നുമ്മൽ, വിദ്യാഭ്യാസ സ്റ്റാൻഡിങ് കമ്മിറ്റി ചെയര്‍മാന്‍ ഇ. ദാസൻ, ബ്ലോക്ക് പഞ്ചായത്ത് അംഗം ബിന്ദു പുഴക്കൽ, വാര്‍സ് അംഗം ഷീബ ചെഞ്ചൊരൊടി, രവി മംഗലശ്ശേരി, ലത്തീഫ് കല്ലിടുമ്പൻ, ഉണ്ണി മൊയ്തു, അജിത്ത് മംഗലശ്ശേരി, സി. അനൂപ് എന്നിവര്‍ സംസാരിച്ചു.