കുടിവെള്ള പദ്ധതിയും കാക്കത്തോട് ജലസംഭരണിയും ഉദ്ഘാടനം ചെയ്തു

എലപ്പുള്ളി: പഞ്ചായത്തിലെ 17ാം വാർഡായ കാക്കത്തോട് കുടിവെള്ള പദ്ധതിയുടെ ഭാഗമായി നിർമിച്ച ജലസംഭരണിയുടെ ഉദ്ഘാടനം കെ.വി. വിജയദാസ് എം.എൽ.എ നിർവഹിച്ചു. പഞ്ചായത്ത് പ്ലാൻ ഫണ്ടും എസ്‌.സി കോർപസ് ഫണ്ടും വിനിയോഗിച്ചാണ് പണി പൂർത്തീകരിച്ചത്. പഞ്ചായത്ത് പ്രസിഡൻറ് എ. തങ്കമണി അധ്യക്ഷത വഹിച്ചു. വൈസ് പ്രസിഡൻറ് ആർ. രാജകുമാരി, കെ. ഹരിദാസ്, ഇ.ടി. അസ്സനാർ, സി. ബിജു, കെ. വാസു, ജയപ്രകാശ്, കരാർ സ്ഥാപന ഉടമ എൻ.എഫ്. െഷഫീക് എന്നിവർ സംസാരിച്ചു.