ഇന്ധന വിലവർധന: നിർമാണ മേഖലക്ക്​ പൊള്ളുന്നു ^സി.ഡബ്ല്യൂ.എസ്​.എ

ഇന്ധന വിലവർധന: നിർമാണ മേഖലക്ക് പൊള്ളുന്നു -സി.ഡബ്ല്യൂ.എസ്.എ മലപ്പുറം: അനിയന്ത്രിതമായ ഇന്ധന വിലവർധന കാരണം കെട്ടിട നിർമാണ മേഖലയിലെ അവശ്യ സാധനങ്ങളുടെ വർധിച്ച വില നിയന്ത്രിക്കണമെന്നും ഇന്ധനവില കുറക്കണമെന്നും ജില്ല കൺസ്ട്രക്ഷൻ വർക്ക് സൂപ്പർവൈസേർസ് അസോസിയേഷൻ (സി.ഡബ്ല്യൂ.എസ്.എ) വാർത്ത സമ്മേളനത്തിൽ ആവശ്യപ്പെട്ടു. തുടർച്ചയായ 16 ദിവസത്തെ പെട്രോൾ-ഡീസൽ വിലവർധന നിയന്ത്രിക്കാൻ പറ്റാത്തത് സർക്കാറുകളുടെ വൻ പരാജയമാണ്. നിർമാണ മേഖലയെ സഹായിക്കാൻ ഇൻഷുറൻസ് ലഭ്യമാക്കണമെന്നും അവർ അഭ്യർഥിച്ചു. വാർത്ത സമ്മേളനത്തിൽ സി.പി. മുജീബ്, ടി.പി. മുഹമ്മദ് ഷാ, കെ.പി. പ്രേമദാസൻ, ഇംതിയാസ് എന്നിവർ പങ്കെടുത്തു.