വാഹനാപകടം: ചികിത്സയിലായിരുന്ന യുവാവ് മരിച്ചു

തവനൂര്‍: വാഹനാപകടത്തില്‍ പരിക്കേറ്റ് ചികിത്സയിലായിരുന്ന യുവാവ് മരിച്ചു. തവനൂര്‍ തെക്കുംമുറി പട്ടന്മാർ വളപ്പില്‍ ഹൈദറി​െൻറ മകന്‍ അഷ്‌റഫ് (35) ആണ് മരിച്ചത്. കഴിഞ്ഞ വെള്ളിയാഴ്ച പുലര്‍ച്ച കൊടുവള്ളിക്കടുത്തായിരുന്നു അപകടം. അഷ്‌റഫും സുഹൃത്തുക്കളും സഞ്ചരിച്ചിരുന്ന കാര്‍ ലോറിയുമായി കൂട്ടിയിടിക്കുകയായിരുന്നു. ഒരാഴ്ചയായി കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്നു. കുഞ്ഞിമ്മയാണ് മാതാവ്. ഭാര്യ: മുബഷിറ. മക്കൾ: ഹംന, ഹര്‍ഷ, ഷിംന.