പ്രവാസി പദ്ധതികളിൽ കാലതാമസം ഒഴിവാക്കണം -റസാഖ് പാലേരി

മലപ്പുറം: കമ്യൂണിറ്റി വെൽഫയർ ഫണ്ട് ആനുകൂല്യങ്ങൾ പൂർണമായും സുതാര്യമായി പ്രവാസികളുടെ ക്ഷേമ പ്രവർത്തനങ്ങൾക്കായി പ്രയോജനപ്പെടുത്തണമെന്നും പ്രവാസി പദ്ധതികളിൽ കാലതാമസം ഒഴിവാക്കണമെന്നും പ്രവാസി വെൽഫെയർ ഫോറം സംസ്ഥാന പ്രസിഡൻറ് റസാഖ് പാലേരി ആവശ്യപ്പെട്ടു. മലപ്പുറത്ത് ജില്ല പ്രഖ്യാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ഹസനുൽ ബന്ന മുതുവല്ലൂർ അധ്യക്ഷത വഹിച്ചു. നോർക്ക സെക്ഷൻ അസി. ബാബുരാജ്, വെൽഫെയർ പാർട്ടി ജില്ല പ്രസിഡൻറ് നാസർ കീഴുപറമ്പ്, നസീറാ ബാനു, ഖത്തർ കൾച്ചർ ഫോറം പ്രധിനിധി അലവിക്കുട്ടി പെരിന്തൽമണ്ണ, ജിദ്ദ സാംസ്കാരിക വേദി പ്രതിനിധി സൈതലവി താനൂർ, എ. ഫാറൂഖ് എന്നിവർ സംസാരിച്ചു. മുഹമ്മദ് പൊന്നാനി സ്വാഗതവും ഇബ്രാഹിം കോട്ടയിൽ നന്ദിയും പറഞ്ഞു.