മഴ: റെയിൽവേ സ്​റ്റേഷൻ വഴി ദുർഘടമായി

ഒറ്റപ്പാലം: റെയിൽവേ സ്റ്റേഷനിൽനിന്ന് കാൽ നടയാത്രയായി നഗരസഭ സ്റ്റാൻഡിലേക്ക് പോകുന്ന എളുപ്പമാർഗം മഴയെത്തുടർന്ന് ദുർഘടമായി. വർഷങ്ങളായി നിത്യേന വിദ്യാർഥികൾ ഉൾപ്പെടെ നൂറുകണക്കിനാളുകൾ ഉപയോഗിക്കുന്ന മൺപാതയാണ് അപകടക്കെണിയായത്. നവീകരണത്തി​െൻറ ഭാഗമായി മാസങ്ങൾക്കുമുമ്പ് ഒറ്റപ്പാലം ആർ.എസ് റോഡ് കവാടം അടച്ചിട്ടപ്പോൾ സുന്ദരയ്യർ റോഡ് മാർഗം സഞ്ചരിച്ചിരുന്ന ചെറുവാഹനങ്ങൾക്ക് സ്റ്റേഷൻ പരിസരത്തെത്താൻ സഹായിച്ചിരുന്ന റോഡാണിത്. നടപ്പാതയിൽ വെള്ളം കെട്ടിനിൽക്കുന്നതിനാൽ യാത്രക്കാർ തെന്നി വീഴുന്നത് പതിവാണ്. അടിയന്തരമായി സഞ്ചാരമാർഗം സുരക്ഷിതമാക്കണമെന്ന് നാട്ടുകാർ ആവശ്യപ്പെട്ടു. ottapalam_railway stationil ninnum bus standilekkulla eluppamaragam