വാര്‍ഷിക പദ്ധതി ചെലവഴിച്ചതില്‍ നേട്ടവുമായി കാളികാവ് ബ്ലോക്ക് പഞ്ചായത്ത്

കാളികാവ്: വാര്‍ഷികപദ്ധതി വിഹിതം ചെലവഴിക്കുന്നതില്‍ മികച്ച നേട്ടവുമായി കാളികാവ് ബ്ലോക്ക് പഞ്ചായത്ത്. 98.5 ശതമാനവും പൂര്‍ത്തീകരിച്ചതായി പ്രസിഡൻറ് ഖാലിദ് മാസ്റ്റര്‍ പറഞ്ഞു. 2017-18 വാര്‍ഷികപദ്ധതി തുക ചെലവഴിച്ചതിന് കാളികാവ് ബ്ലോക്ക് പഞ്ചായത്തിന് ജില്ലയില്‍ മൂന്നാം സ്ഥാനവും സംസ്ഥാന സര്‍ക്കാറി‍​െൻറ പുരസ്‌കാരവും ലഭിച്ചു. എട്ട് കോടി രൂപയായിരുന്നു കാളികാവ് പഞ്ചായത്തി‍​െൻറ പദ്ധതി വിഹിതം. പ്ലാന്‍ ഫണ്ട്, മെയിൻറനന്‍സ് ഫണ്ട് എന്നീ കാറ്റഗറികളിലായി ലഭിച്ച തുക ഏറ്റവും മികച്ച രീതിയില്‍ വിനിയോഗിക്കാനായത് നേട്ടമായി. ബ്ലോക്ക് പഞ്ചായത്തിനുകീഴില്‍ അരിമണലില്‍ ആരംഭിക്കുന്ന മിനി വ്യവസായ കേന്ദ്രത്തിന് പദ്ധതി കാലത്ത് രണ്ട് ഏക്കര്‍ എട്ട് സ​െൻറ് ഭൂമി ലഭ്യമാക്കിയിട്ടുണ്ട്. നടപ്പു പദ്ധതിയില്‍ ലൈഫ് ഭവന പദ്ധതിയിലേക്ക് എല്ലാ പഞ്ചായത്തുകള്‍ക്കും വിഹിതം നല്‍കിക്കഴിഞ്ഞതായി ബ്ലോക്ക് അധികൃതര്‍ പറഞ്ഞു. 2014-15 വര്‍ഷത്തില്‍ മികച്ച ഓഫിസ് പ്രവര്‍ത്തനത്തിന് ബ്ലോക്ക് പഞ്ചായത്തിന് നേരേത്ത ഐ.എസ്.ഒ പദവി ലഭിച്ചിരുന്നു.