മാമാങ്ക സ്മാരകങ്ങളുടെ നവീകരണത്തിന്​ പദ്ധതി -മ​ന്ത്രി കടന്നപ്പള്ളി

തിരൂർ: തിരുനാവായയിലും പരിസര പ്രദേശങ്ങളിലുമുള്ള മാമാങ്ക സ്മാരകങ്ങളുടെ നവീകരണത്തിന് തുടർപദ്ധതി ആസൂത്രണം ചെയ്യുമെന്ന് മന്ത്രി കടന്നപ്പള്ളി രാമചന്ദ്രൻ. ഇതിനായി 29ന് പുരാവസ്തു ഉദ്യോഗസ്ഥർക്കൊപ്പം ചരിത്ര സ്മാരകങ്ങൾ സന്ദർശിക്കും. തുടർന്ന് തയാറാക്കുന്ന റിപ്പോർട്ടി‍​െൻറ അടിസ്ഥാനത്തിലായിരിക്കും പദ്ധതികൾ ആസൂത്രണം ചെയ്യുക. മാമാങ്ക സ്മാരകങ്ങൾക്ക് പൂർണ സംരക്ഷണമൊരുക്കും. നിലപാട് തറയിലേക്ക് പ്രവേശിക്കുന്ന സ്ഥലം സംബന്ധിച്ചുള്ള പ്രശ്നങ്ങൾ പരിഹരിക്കും. ചരിത്ര സ്മാരകങ്ങൾ കാണാനെത്തുന്നവർക്ക് അടിസ്ഥാന സൗകര്യങ്ങൾ ഒരുക്കുമെന്നും മന്ത്രി പറഞ്ഞു.