രാമായണ മാസാചരണം

മലപ്പുറം: രാമായണ മാസാചരണത്തി​െൻറ ഭാഗമായി വിവിധ പരിപാടികള്‍ക്ക് രൂപം നല്‍കിയതായി ക്ഷേത്രസംരക്ഷണ സമിതി ഭാരവാഹികള്‍ അറിയിച്ചു. ക്ഷേത്രങ്ങളില്‍ രാമായണ പാരായണം, രാമായണ വൈജ്ഞാനിക മത്സരങ്ങൾ, അഖണ്ഡരാമായണ പാരായണം തുടങ്ങിയവയും പഞ്ചായത്ത് സമിതികളുടെ ആഭിമുഖ്യത്തില്‍ രാമായണ സെമിനാറുകള്‍, ജൂലൈ 22ന് വൈജ്ഞാനിക മത്സരങ്ങള്‍, 29ന് താലൂക്ക്തല മത്സരങ്ങള്‍, ആഗസ്റ്റ് അഞ്ചിന് ജില്ലതല രാമായണ കലോത്സവം തുടങ്ങിയ പരിപാടികളുമാണ് നടക്കുക. വാർത്തസമ്മേളനത്തില്‍ എൻ.സി.വി. നമ്പൂതിരി, കെ.പി. ശിവരാമൻ, പി.പി. മോഹൻകുമാർ, എം. കൃഷ്ണദീപ് എന്നിവർ സംബന്ധിച്ചു.