വെള്ളക്കെട്ട്; നിലം നികത്തിയതിനെതിരെ പരാതി നൽകി

കീഴുപറമ്പ്: ഒന്നാം വാർഡ് കല്ലിങ്ങലിൽ സ്വകാര്യവ്യക്തി നിലം നികത്തിയതുമൂലം വെള്ളക്കെട്ടുയർന്നതായി പരാതി. പ്രദേശവാസികൾ വില്ലേജ് ഓഫിസ്, ഗ്രാമപഞ്ചായത്ത് ഓഫിസ് എന്നിവിടങ്ങളിൽ പരാതി നൽകി. ചുറ്റുമുള്ള പറമ്പിനേക്കാൾ ഒരാൾ പൊക്കത്തിൽ ഉയർത്തുകയും വെള്ളം ഒഴിഞ്ഞുപോകാൻ സൗകര്യം ഒരുക്കാതിരിക്കുകയും ചെയ്തതോടെയാണ് വെള്ളക്കെട്ടുയർന്നതെന്ന് നാട്ടുകാർ പരാതിയിൽ പറയുന്നു. കരിങ്കൽ പാറപ്പൊടി ഉപയോഗിച്ചാണ് നികത്തിയത്. ഇത് തൊട്ടടുത്ത കിണറുകളിലേക്ക് ഊർന്നിറങ്ങി കുടിവെള്ളം മലിനമാക്കുന്നുണ്ട്. ഫോട്ടോ: കല്ലിങ്ങലിൽ സ്വകാര്യവ്യക്തി നിലം നികത്തിയതുമൂലം വെള്ളക്കെട്ടുയർന്ന നിലയിൽ