മഴയിൽ വീട് ഭാഗികമായി തകർന്നു

എടക്കര: കനത്ത മഴയെ തുടര്‍ന്ന് മൂത്തേടത്ത് വീട് ഭാഗികമായി തകര്‍ന്നു. ഗൃഹനാഥന്‍ ഭാഗ്യംകൊണ്ട് രക്ഷപ്പെട്ടു. സ്‌കൂള്‍പ്പടിയിലെ കളത്തുംപടിയന്‍ മുഹമ്മദി‍​െൻറ വീടി‍​െൻറ ഒരുഭാഗമാണ് തകര്‍ന്നത്. തിങ്കളാഴ്ച പുലര്‍ച്ച രണ്ടുമണിയോടെയാണ് സംഭവം. മുഹമ്മദ് കിടന്നുറങ്ങിയിരുന്ന മുറിയുടെ ചുവര് വലിയ ശബ്ദത്തോടെ വീടി‍​െൻറ പുറംഭാഗത്തേക്ക് മറിഞ്ഞുവീണതാണ് അപകടം ഒഴിവാകാന്‍ കാരണം. വീടി‍​െൻറ പലഭാഗത്തെ ചുവരിലും വിള്ളല്‍ രൂപപ്പെട്ടിട്ടുണ്ട്. ഏത് നിമിഷവും തകര്‍ന്നുവീഴാവുന്ന അവസ്ഥയിലാണ് വീട് നിലനില്‍ക്കുന്നത്.