സിജി റഫറൻസ്​ ലൈബ്രറി ഉദ്ഘാടനം ചെയ്തു

മലപ്പുറം: സിജി ജില്ല സെക്രട്ടറിയും ഇലക്ട്രിസിറ്റി സൂപ്രണ്ടുമായിരുന്ന സി.എച്ച്. മുസ്തഫയുടെ സ്മരണാർഥം ആരംഭിച്ച റഫറൻസ് ലൈബ്രറി പി. ഉബൈദുല്ല എം.എൽ.എ ഉദ്ഘാടനം ചെയ്തു. മത്സര പരീക്ഷക്ക് വിദ്യാർഥികൾക്ക് സഹായമാകുന്ന റഫറൻസ് ലൈബ്രറി ജില്ലയിൽതന്നെ ആദ്യത്തേതാണെന്നും സൗജന്യമായി ഈ സൗകര്യം ഉപയോഗപ്പെടുത്താമെന്നും ഭാരവാഹികൾ അറിയിച്ചു. ചൊവ്വാഴ്ച ഒഴികെ രാവിലെ 10 മുതൽ വൈകീട്ട് അഞ്ചുവരെയാണ് പ്രവൃത്തി സമയം. ജില്ല പ്രസിഡൻറ് എ. ഫാറൂഖ് അധ്യക്ഷത വഹിച്ചു. സുബൈറുൽ അവാൻ, പി. ബഷീർ എന്നിവർ സംസാരിച്ചു.