ബേപ്പൂരിൽനിന്ന്​ മത്സ്യബന്ധനത്തിനിറങ്ങിയ വള്ളം മുങ്ങി; നാല് തൊഴിലാളികളെയും രക്ഷപ്പെടുത്തി

താനൂർ: ബേപ്പൂരിൽനിന്ന് മത്സ്യബന്ധനത്തിനിറങ്ങിയ ചെറുവള്ളം മുങ്ങി. വള്ളത്തിലുണ്ടായിരുന്ന നാല് തൊഴിലാളികളെയും രക്ഷപ്പെടുത്തി. ശനിയാഴ്ച രാവിലെ പത്തിന് പുറപ്പെട്ട വള്ളത്തിനടിയിൽ ദ്വാരം വീണതിനെ തുടർന്ന് വെള്ളം കയറി. കരക്കടുപ്പിക്കാൻ ശ്രമിെച്ചങ്കിലും ശക്തമായ തിരമാല കാരണം മുങ്ങുകയായിരുന്നു. തുടർന്ന് നാലുപേരും വലിയ കാനുകൾ ഉപയോഗിച്ച് കരയിലേക്ക് നീന്തി. നാഗപട്ടണം സ്വദേശി കുമാർ (45) തൂത്തുക്കുടി സ്വദേശി കുമാർ (29) കോഴിക്കോട് വെള്ളയിൽ സ്വദേശി ഇസ്മായിൽ (40) കൊൽക്കത്ത സ്വദേശി ലക്ഷ്മണൻ (26) എന്നിവരാണ് രക്ഷപ്പെട്ടത്. നീന്തലറിയാത്തതിനാൽ ലക്ഷ്മണൻ തീർത്തും അവശനിലയിലായിരുന്നു. ചെട്ടിപ്പടി കടൽത്തീരത്തുള്ളവർ സംഭവം കണ്ട് അറിയിച്ചതിനെ തുടർന്ന് താനൂർ സ്വദേശികളായ കുന്നുമ്മൽ ഹസ്സൻ, പാട്ടി​െൻറപുരക്കൽ സലാം എന്നിവർ തങ്ങളുടെ ചെറുവള്ളം ഉപയോഗിച്ച് തൊഴിലാളികളെ രക്ഷപ്പെടുത്തി താനൂർ ഹാർബർ ഭാഗത്ത് എത്തിച്ചു. ഒട്ടുംപുറം തൂവൽ തീരത്തിന് വടക്കുവശത്താണ് തൊഴിലാളികളെ കണ്ടത്. തൊഴിലാളികൾ താനൂർ മൂലക്കലിലെ സ്വകാര്യ ആശുപത്രിയിൽ ചികിത്സ തേടി.