വീട്ടമ്മയുടെ അവസരോചിത ഇടപെടൽ അപകടം ഒഴിവാക്കി

add നിലമ്പൂർ: കനത്ത മഴയെ തുടര്‍ന്ന് കൂറ്റൻ ചീനിമരം റോഡിലേക്ക് കടപുഴകി വീണു. നിലമ്പൂര്‍-കരുളായി റോഡിന് കുറുകെ മുക്കട്ടക്കും വല്ലപ്പുഴക്കുമിടയിലാണ് വൻ മരം റോഡിനു കുറുകെ വീണത്. വ്യാഴാഴ്ച വൈകീട്ട് അേഞ്ചാടെയാണ് സംഭവം. സമീപ വീട്ടിലെ കറുത്തേടത്ത് സഹീതയുടെ സമയോജിതമായ ഇടപെടലാണ് വൻ അപകടം ഒഴിവാക്കിയത്. മരം വേരോടെ സാവധാനം ചരിഞ്ഞുവരുന്നത് കണ്ട ഇവർ റോഡിലേക്കിറങ്ങി ഇരുഭാഗത്ത് നിന്ന് വരുന്ന വാഹനങ്ങൾക്ക് അപകട മുന്നറിയിപ്പ് നൽകുകയായിരുന്നു. സമീപത്തെ ആളുകളോടും അപകട വിവരം അറിയിച്ചു. ഇതോടെ കടന്നുവരികയായിരുന്ന വാഹനങ്ങൾ നിർത്തിയിട്ടു. അപകട മുന്നറിയിപ്പ് ലഭിച്ചില്ലായിരുന്നെങ്കിൽ വൻ ദുരന്തം ഉണ്ടാകുമായിരുന്നു. മരം വീണ് ശ്രീശൈല പത്മിനിയുടെ മതിലും അത്തിപുറത്ത് ഷൗക്കത്തി‍​െൻറ കടയും ഭാഗികമായി തകർന്നു. ഒരു മണിക്കൂറോളം ഈ റൂട്ടില്‍ ഗതാഗതം തടസ്സപ്പെട്ടു.