ഹർത്താൽ അക്രമം: തിരൂരങ്ങാടിയിൽ ഒരാൾ കൂടി അറസ്​റ്റിൽ

തിരൂരങ്ങാടി: വാട്സ്ആപ് ഹർത്താലിനെ തുടർന്ന് അക്രമം നടത്തിയ കേസിൽ ഒരാളെക്കൂടി തിരൂരങ്ങാടി പൊലീസ് അറസ്റ്റ് ചെയ്തു. മൂന്നിയൂർ ചുഴലി ആലുങ്ങൽതൊടി ഹംസക്കോയയാണ് (23) അറസ്റ്റിലായത്. കക്കാട്ട് വാഹനങ്ങൾ തടയുകയും പൊലീസുകാരനെ ആക്രമിക്കുകയും ചെയ്ത കേസിലാണിത്. പരപ്പനങ്ങാടി കോടതിയിൽ ഹാജരാക്കി. തലപ്പാറ, കക്കാട്, പടിക്കൽ, ചേളാരി ജങ്ഷനുകളിൽ വാഹനങ്ങൾ തടഞ്ഞും കെ.എസ്.ആർ.ടി.സി ബസ് അടിച്ചുതകർത്തും അക്രമം നടത്തിയ നിരവധി പേരെ നേരത്തെ അറസ്റ്റ് ചെയ്തിരുന്നു. സംഭവത്തിൽ ഇതോടെ തിരൂരങ്ങാടിയിൽ അറസ്റ്റിലായവരുടെ എണ്ണം പതിനഞ്ചായി.