യുവതിക്കെതിരെ സൈബര്‍ ആക്രമണം; നാലാം പ്രതി അറസ്​റ്റിൽ

പെരിന്തല്‍മണ്ണ: സിനിമയെക്കുറിച്ച് ഫേസ്ബുക്കില്‍ പോസ്റ്റിട്ടതി​െൻറ പേരിൽ യുവതിക്കെതിരെ സൈബര്‍ ആക്രമണം നടത്തിയ കേസിൽ നാലാം പ്രതിയെ പെരിന്തൽമണ്ണ പൊലീസ് അറസ്റ്റ് ചെയ്തു. തിരുവനന്തപുരം തിരുവല്ലം വണ്ടിക്കട ശാന്തിപുരം സജിഭവനിൽ രഞ്ജുവിനെയാണ് (24) െഎ.ടി നിയമപ്രകാരം അറസ്റ്റ് ചെയ്തത്. ഇതോടെ കേസിൽ അറസ്റ്റിലായവരുടെ എണ്ണം നാലായി. അങ്ങാടിപ്പുറം സ്വദേശിനി അപര്‍ണ പ്രശാന്തിയുടെ ഫേസ്ബുക്ക് പേജിലാണ് അശ്ലീല കമൻറുകളും ഭീഷണിയും പോസ്റ്റ് ചെയ്തത്. പരാതിയില്‍ പെരിന്തല്‍മണ്ണ പൊലീസ് മേയ് 27ന് കേസെടുത്തിരുന്നു. അല്ലു അര്‍ജു​െൻറ സിനിമയെക്കുറിച്ച് ഇട്ട പോസ്റ്റിനെതിരെയാണ് ലൈംഗിക ചുവയോടെയും മാനഹാനി വരുത്തുന്ന തരത്തിലും പോസ്റ്റുകള്‍ നിറഞ്ഞതെന്ന് അപര്‍ണ പരാതി നൽകിയിരുന്നു.