റീസർവേ പൂർത്തിയാക്കണം

നിലമ്പൂർ: വഴിക്കടവ് വില്ലേജ് പരിധിയിലെ റിസർവേ പൂർത്തിയാക്കണമെന്ന് മാമാങ്കരയിൽ ചേർന്ന സി.പി.ഐ ഗ്രൂപ് രൂപവത്കരണ യോഗം ആവശ‍്യപ്പെട്ടു. റീസർവേ പൂർത്തീകരിക്കാത്തതിനാൽ ബാങ്ക് വായ്പകൾ പോലും നിഷേധിക്കുന്നു. ആവശ‍്യവുമായി ബന്ധപ്പെട്ട് മന്ത്രിക്ക് നിവേദനം നൽകാനും തീരുമാനിച്ചു. സി.പി.ഐ മണ്ഡലം കമ്മിറ്റി അംഗം സി.കെ. മൊയ്തീൻ ഉദ്ഘാടനം ചെയ്തു. എടക്കര ലോക്കൽ സെക്രട്ടറി എം. ഉമ്മർ, ഗഫൂർ കുനിയൻ, മനോജ് നാരോക്കാവ്, ഷംസീർ എന്നിവർ സംസാരിച്ചു. ഗ്രൂപ് കൺവീനർ സിബി ആലാമ്പളി ഉൾെപ്പടെ 12 അംഗ കമ്മിറ്റിയെ തെരഞ്ഞെടുത്തു.