വിദ്യാർഥികളുടെ കരനെൽകൃഷി വിളവെടുപ്പിലേക്ക്​

അരീക്കോട്: സുല്ലമുസ്സലാം ഓറിയൻറൽ ഹയർ സെക്കൻഡറി സ്കൂൾ വിദ്യാർഥികൾ നടത്തുന്ന കരനെൽകൃഷി വിളവെടുപ്പിലേക്ക്. കർഷക അവാർഡ് ജേതാവായ നൗഷർ കല്ലടയുടെ ഒരേക്കർ തെങ്ങിൻ തോപ്പിലാണ് വിദ്യാർഥികൾ കൃഷി ചെയ്യുന്നത്. വിത്ത് പാകൽ, വളമിടൽ, കളപറിക്കൽ തുടങ്ങിയ പ്രവൃത്തികളെല്ലാം വിദ്യാർഥികൾതന്നെയാണ് ചെയ്യുന്നത്. കഴിഞ്ഞ വർഷവും വിദ്യാർഥികൾ ചെയ്ത നെൽകൃഷി വൻ വിജയമായിരുന്നു. സ്ഥലമുടമ നൗഷർ കല്ലട, കൃഷി ഓഫിസർ അജിത് കുമാർ, കൃഷി അസി. ഷീന, അധ്യാപകരായ റനീം, ഷാഫി എന്നിവരാണ് വിദ്യാർഥികൾക്ക് മാർഗനിർദേശവുമായി ഒപ്പമുള്ളത്.