mp2all3

അഭിമാന താരങ്ങൾക്ക് ആദരം മലപ്പുറം: ഇന്ത്യൻ ടീമിൽ ഇടം നേടിയ ജില്ലക്കാരായ അനസ് എടത്തൊടിക, ആഷിഖ് കുരുണിയൻ, ഇൗ വർഷത്തെ മികച്ച കളിക്കാരനായി തെരഞ്ഞെടുത്ത സാദിഖലി (കേരള പൊലീസ്-സീനിയർ മെൻ), ലേഷ്മ (സീനിയർ വുമൺ), സജ്ജാദ് (അണ്ടർ -21), ഷിഖിൻ (സബ് ജൂനിയർ), അൻജുഷ ഷെറിൻ (സബ്ജൂനിയർ ഗേൾസ്), സബ് ജൂനിയർ ചാമ്പ്യന്മാരായ ജില്ല ടീം, പരിശീലകൻ, മാനേജർ എന്നിവരെ ജില്ല ഫുട്ബാൾ അസോസിയേഷൻ വാർഷിക ജനറൽ ബോഡി ആദരിച്ചു. പഞ്ചായത്ത് പ്രസിഡൻറ് അബ്ദുറഹ്മാൻ ഉദ്ഘാടനം ചെയ്തു. ഡി.എഫ്.എ പ്രസിഡൻറ് കെ. അബ്ദുൽ കരീം അധ്യക്ഷത വഹിച്ചു. കെ.എഫ്.െഎ ട്രഷറർ പ്രഫ. പി. അഷ്റഫ്, എം. മുഹമ്മദ് സലിം, സുരേന്ദ്രൻ മങ്കട, കെ. നയീം, കെ.എ. നാസർ, സി. സുരേഷ്, സി.കെ. അബ്ദുറഹ്മാൻ, കെ. കുഞ്ഞാലൻ കുട്ടി, പി. സുധീർകുമാർ, ജലീൽ, ആഷിഖ് കൈനിക്കര എന്നിവർ സംബന്ധിച്ചു.