ഫേസ്ബുക്ക് പ്രണയപീഡനം: മലപ്പുറം സ്വദേശിക്കെതിരെ കേസ്

വൈപ്പിന്‍: ഫേസ്ബുക്കിലൂടെ പരിചയപ്പെട്ട കൊല്ലം സ്വദേശിനിയെ പ്രണയം നടിച്ച് പീഡിപ്പിച്ച കേസില്‍ മലപ്പുറം സ്വദേശിയായ യുവാവിനെതിരെ ഞാറക്കല്‍ പൊലീസ് അന്വേഷണം. മലപ്പുറം സ്വദേശി ജിന്‍ഷാദിനെതിരെയാണ് യുവതി കളമശ്ശേരി പൊലീസില്‍ പരാതി നല്‍കിയത്. കുറ്റകൃത്യം നടന്ന പ്രദേശമെന്ന നിലയിലാണ് അന്വേഷണച്ചുമതല ഞാറക്കല്‍ സ്റ്റേഷനിലെത്തിയതെന്ന് സി.െഎ എം.കെ. മുരളി പറഞ്ഞു. പ്രതിയെ ബന്ധപ്പെടാന്‍ ശ്രമിച്ചപ്പോൾ ഫോൺ ഓഫാക്കിയ നിലയിലാണ്. നാട്ടിലെത്തി പിടികൂടാനുള്ള ശ്രമത്തിലാണെന്നും സി.ഐ അറിയിച്ചു.