പുസ്തക പ്രദർശനവും ബഷീർ അനുസ്മരണവും

പരപ്പനങ്ങാടി: ബഷീർ ദിനാചരണത്തോടനുബന്ധിച്ച് നെടുവ ഗവ. ഹൈസ്കൂളിൽ നടന്ന പുസ്തക പ്രദർശനം പ്രധാനാധ്യാപിക എം.പി. ലൈല ഉദ്ഘാടനം ചെയ്തു. അധ്യാപകരായ അബ്ദുൽ മജീദ്, രഘുനാഥ് കൊളത്തൂർ, ബിന്ദു സി.ടി, ശൈലജ, ശ്രീലത, എസ്.എം.സി ചെയർമാൻ ഷെരീഫ് പരപ്പനങ്ങാടി, വിദ്യാർഥി പ്രതിനിധി ഷംലി എന്നിവർ സംസാരിച്ചു. ചാർട്ട് പ്രദർശനം, സ്കൂൾതല ക്വിസ് മത്സരം ബഷീർ അനുസ്മരണം എന്നിവയും നടത്തി. എസ്.കെ.എസ്.ബി.വി യൂനിറ്റ് അസംബ്ലി പരപ്പനങ്ങാടി: എസ്.കെ.എസ്.ബി.വി സിൽവർ ജൂബിലിയുടെ ഭാഗമായി കരിങ്കല്ലത്താണി തഅ്സീസുൽ ഇസ്‌ലാം ബ്രാഞ്ച് മദ്റസയിൽ യൂനിറ്റ് അസംബ്ലി സംഘടിപ്പിച്ചു. സിദ്ദീഖ് മുസ്‌ലിയാർ ഉദ്ഘാടനം ചെയ്തു. ബദ്റുദ്ദീൻ ചുഴലി, ബാസിത് മുസ്‌ലിയാർ, ശഫീഖ് മുസ്‌ലിയാർ, അബൂബക്കർ ബാവ, ഹസ്സമോൻ ഹാജി, ആസ്മി, മുഹമ്മദലി, അബൂത്വാഹിർ എന്നിവർ സംസാരിച്ചു.