പമ്പ്​ ചെയ്യരുത്; ചെയ്‌താൽ റോഡ് നിറയെ വെള്ളം

വേങ്ങര: വേങ്ങര പറമ്പിൽപ്പടിയിൽ വാട്ടർ അതോറിറ്റിയുടെ കുടിവെള്ളത്തിനായുള്ള മോട്ടോർ പമ്പ് ചെയ്‌താൽ റോഡാകെ വെള്ളം പരക്കും. ഒന്നരമാസം മുമ്പ് പൊട്ടിയ പൈപ്പ് നന്നാക്കാൻ ശ്രമങ്ങൾ നടന്നെങ്കിലും ചോർച്ച തടയാനായില്ല. ഇപ്പോഴും കുടിവെള്ളം പമ്പു ചെയ്യാൻ പറ്റാത്ത വിധത്തിലാണ് കാര്യങ്ങളുടെ കിടപ്പ്. ജലനിധി പദ്ധതി അനിശ്ചിതമായി നീളുകയും ഉള്ള സംവിധാനങ്ങൾ താറുമാറാവുകയും ചെയ്തതിൽ നാട്ടുകാർ രോഷാകുലരാണ്. പടം: വേങ്ങര പറമ്പിൽപ്പടിയിൽ വാട്ടർ അതോറിറ്റിയുടെ പൈപ്പ്ലൈൻ പൊട്ടി വെള്ളം റോഡിൽ പരന്നൊഴുകുന്നു