സ്നേഹഭവനം താക്കോൽദാനവും സമർപ്പണവും

ഊർങ്ങാട്ടിരി: മൂർക്കനാട് സുബുലുസ്സലാം ഹയർ സെക്കൻഡറി സ്കൂൾ നടപ്പാക്കുന്ന ഭവനപദ്ധതിയിലെ മൂന്നാമത്തെ വീടി​െൻറ സമർപ്പണവും അരീക്കോട് ബ്ലോക്ക് പഞ്ചായത്ത് വാർഷിക പദ്ധതിയിലുൾപ്പെടുത്തി സ്കൂളിൽ നിർമിച്ച ശുചിമുറികളുടെ സമർപ്പണവും ബ്ലോക്ക് പഞ്ചായത്ത് പ്രസിഡൻറ് പി. ലക്ഷ്മി നിർവഹിച്ചു. ഉന്നത വിജയം നേടിയ വിദ്യാർഥികളെ ആദരിച്ചു. ഊർങ്ങാട്ടിരി ഗ്രാമപഞ്ചായത്ത് പ്രസിഡൻറ് എൻ.കെ. ഷൗക്കത്തലി അധ്യക്ഷത വഹിച്ചു. ബ്ലോക്ക് പഞ്ചായത്ത് അംഗം വി.പി. അബ്ദുറഊഫ്, ഗ്രാമപഞ്ചായത്തംഗം എം. ഹഫ്സത്ത്, പി.ടി.എ പ്രസിഡൻറ് ടി. സൈതലവി, സ്കൂൾ മാനേജർ കെ. ബഷീർ, പ്രിൻസിപ്പൽ എം. അഹമ്മദ് സവാദ്, പ്രധാനാധ്യാപകൻ ജി.എസ്. ലിജിൻ, അധ്യാപകരായ ബേബി ജോസ്, ഇ. അഷ്റഫ്, പി. സംഗീത എന്നിവർ സംസാരിച്ചു.