വാണിയമ്പലം പഞ്ചായത്ത് രൂപവത്​കരിക്കണം; പ്രക്ഷോഭത്തിനൊരുങ്ങി വ്യാപാരികൾ

വണ്ടൂർ: ഗ്രാമപഞ്ചായത്തിനെ വിഭജിച്ചും പോരൂർ, കാളിക്കാവ്, ചോക്കോട് ഗ്രാമപഞ്ചായത്തുകളുടെ ഭാഗങ്ങൾ കൂട്ടിച്ചേർത്തും വാണിയമ്പലം ആസ്ഥാനമായി പഞ്ചായത്ത് രൂപവത്കരിക്കണമെന്ന് ആവശ്യപ്പെട്ട് വ്യാപാരികൾ പ്രക്ഷോഭത്തിനൊരുങ്ങുന്നു. നിരവധി തവണ വാണിയമ്പലം ആസ്ഥാനമായി പഞ്ചായത്ത് രൂപവത്കരിച്ചിരുന്നു. കോടതി ഇടപെടലുകളും സർക്കാറുകളുടെ പിൻമാറ്റവും മൂലം യാഥാർഥ്യമായില്ല. രൂപവത്കരണം ആവശ്യപ്പെട്ട് നടത്തിയ യോഗത്തിൽ പ്രസിഡൻറ് കെ.ടി.എ. സലാം അധ്യക്ഷത വഹിച്ചു. എം. ഫൈസൽ, കെ. ചന്ദ്രമോഹനൻ, കെ. അബ്ദുറസാഖ്, കെ.ടി. ഷഹീർ, പി. ഫിറോസ് എന്നിവർ സംസാരിച്ചു.