ജൂബിലി റോഡ്​ ഇന്നുമുതൽ അടച്ചിടും

പെരിന്തൽമണ്ണ: അറ്റകുറ്റപ്പണികൾക്ക് നഗരസഭ പരിധിയിലെ ജൂബിലി റോഡ് വ്യാഴാഴ്ച മുതൽ ഒരാഴ്ചത്തേക്ക് അടച്ചിടും. കോഴിക്കോട്-പാലക്കാട് ദേശീയ പാതിയിൽ ജൂബിലി ജങ്ഷൻ മുതൽ പട്ടാമ്പി റോഡ് വരെയാണ് അറ്റകുറ്റപ്പണി. ഗവ. ഗേൾസ് ഹയർ സെക്കൻഡറി സ്കൂളിൽ മോഷണം പെരിന്തൽമണ്ണ: ഇ.എം.എസ് വിദ്യാഭ്യാസ കോംപ്ലക്സിലെ ഗവ. ഗേൾസ് ഹയർ സെക്കൻഡറി സ്കൂളിൽ മോഷണം. ചൊവ്വാഴ്ച രാത്രി സ്കൂൾ ഒാഫിസ് കുത്തിത്തുറന്ന് ലാപ്ടോപും പണവും കവർന്നു. പെരിന്തൽമണ്ണ പാലിയേറ്റിവ് കെയർ സൊസൈറ്റിയുടെ സംഭാവനപ്പെട്ടിയാണ് മോഷ്ടിച്ചത്. 40,000 രൂപ വിലവരുന്നതാണ് ലാപ്ടോപ്. സംഭാവനപ്പെട്ടിയിൽ 3000 രൂപയുണ്ടാകുമെന്ന് കണക്കാക്കുന്നു. സ്കൂൾ അധികൃതർ പരാതി നൽകി. മലപ്പുറത്തുനിന്ന് 'റിങ്കു' എന്ന പൊലീസ് നായ ഒാഫിസും പരിസരവും പരിശോധന നടത്തി. വിരലടയാള വിദഗ്ധരും പരിശോധനക്കെത്തി.