കളഞ്ഞുകിട്ടിയ സ്വർണാഭരണം തിരിച്ചേൽപ്പിച്ച ഓട്ടോഡ്രൈവർക്ക് ആദരം

കല്ലടിക്കോട്: കളഞ്ഞു കിട്ടിയ സ്വർണാഭരണം തിരിച്ചേൽപ്പിച്ച ഓട്ടോ ഡ്രൈവർക്ക് നാടി​െൻറ ആദരം. കല്ലടിക്കോട് അയ്യപ്പൻകാവ് പരിസരത്തുനിന്ന് കിട്ടിയ ചേലക്കര സ്വദേശിയുടെ ബ്രേസ് ലെറ്റ് തിരിച്ചേൽപ്പിച്ച ഓട്ടോ ഡ്രൈവർ ജയനെയാണ് ഫ്രണ്ട്സ് ക്ലബ് ലൈബ്രറി, ജനമൈത്രി സുരക്ഷ സമിതി എന്നിവ ചേർന്ന് അനുമോദിച്ചത്. ലൈബ്രറി പ്രസിഡൻറ് സി.കെ. രാജൻ മാസ്റ്റർ ഉപഹാരം നൽകി. കല്ലടിക്കോട് ജനമൈത്രി പൊലീസ് പ്രസിഡൻറ് സമദ് അധ്യക്ഷത വഹിച്ചു. കല്ലടിക്കോട് ജനമൈത്രി സി.ആർ.ഒ. രാജ് നാരായണൻ മുഖ്യപ്രഭാഷണം നടത്തി. കോമളകുമാരി, രമേഷ്, ബീന ചന്ദ്രകുമാർ, അരുൺ രാജ്, വി.എസ്. ബാബു തുടങ്ങിയവർ പങ്കെടുത്തു. തുടർന്ന് എക്സൈസ് ഓഫിസർ കെ.വി. ഷൺമുഖൻ ലഹരി വിരുദ്ധ ബോധവത്കരണ ക്ലാസെടുത്തു.