ചെർപ്പുളശ്ശേരി-കീഴൂർ റോഡ് പണി സെപ്റ്റംബറിൽ തുടങ്ങും

ചെർപ്പുളശ്ശേരി: ചെർപ്പുളശ്ശേരി-ഒറ്റപ്പാലം റോഡിൽ കീഴൂർ വരെയുള്ള ആറ് കിലോമീറ്റർ റോഡ് നിർമാണ പ്രവൃത്തി സെപ്റ്റംബറിൽ ആരംഭിക്കും. കാലവർഷത്തിൽ ഏറെ തകർന്ന റോഡാണിത്. 28. 2 കോടി രൂപ ചെലവിൽ റബറൈസ് ചെയ്യാൻ ഭരണാനുമതിയും സാമ്പത്തിക സങ്കേതിക അനുമതികളും ലഭിച്ചതായി പി.കെ. ശശി എം.എൽ.എ അറിയിച്ചു. ഏഴര മീറ്റർ വീതിയിൽ കയറ്റിറക്കങ്ങളും വളവുകളും പരമാവധി കുറച്ചുകൊണ്ടുള്ള രൂപകൽപനയാണ് തയാറാക്കിയിട്ടുള്ളത്.