യൂത്ത് ലീഗ് സമരം അപഹാസ്യം -എൻ.വൈ.സി

മഞ്ചേരി: മലബാർ മേഖലയിൽ പ്ലസ് ടു സീറ്റ് കൂടുതൽ അനുവദിക്കണമെന്നാവശ്യപ്പെട്ട് യൂത്ത് ലീഗ് നടത്തുന്ന സമരം അപഹാസ്യമാണെന്നും വളരെക്കാലം വിദ്യാഭ്യാസ വകുപ്പ് ഭരിച്ച ലീഗിന് അതിനുള്ള അർഹതയില്ലെന്നും നാഷനലിസ്റ്റ് യൂത്ത് കോൺഗ്രസ് ജില്ല കമ്മിറ്റി യോഗം വിലയിരുത്തി. എൻ.സി.പി ജില്ല ജനറൽ സെക്രട്ടറി എം.സി. ഉണ്ണികൃഷ്ണൻ ഉദ്ഘാടനം ചെയ്തു. എൻ.വൈ.സി ജില്ല പ്രസിഡൻറ് ശുഐബ് എടവണ്ണ അധ്യക്ഷത വഹിച്ചു. സംസ്ഥാന സെക്രട്ടറി സന്തോഷ് പറപ്പൂർ, ജില്ല ഭാരവാഹികളായ ഷാഫി പെരുവള്ളൂർ, ഷാഫി നെച്ചിയങ്ങൽ, ഹാരിസ് മോൻ, റഫീഖ് കുരിക്കൾ എന്നിവർ സംസാരിച്ചു.