കാലിക്കറ്റ് സർവകലാശാലയിൽ എം.എസ്.എഫ്​ ഉപരോധം ഇന്ന്

തേഞ്ഞിപ്പലം: സിൻഡിക്കേറ്റ് യോഗം നടക്കുന്ന തിങ്കളാഴ്ച എം.എസ്.എഫ് മലപ്പുറം ജില്ല കമ്മിറ്റി കാലിക്കറ്റ് സർവകലാശാല ഭരണകാര്യാലയത്തിലേക്ക് മാർച്ചും ഉപരോധവും സംഘടിപ്പിക്കും. സർവകലാശാല അധികാരികളുടെ വിദ്യാർഥി പീഡനം അവസാനിപ്പിക്കുക, കായികവിഭാഗം വിദ്യാർഥികളെ വേട്ടയാടുന്ന നടപടിയിൽനിന്ന് അധികാരികൾ പിന്മാറുക, കായികവിഭാഗത്തിൽ ഡോ. വി.പി. സക്കീർ ഹുസൈ​െൻറ നിർബന്ധിത അവധി പിൻവലിക്കുക ഹെൽത്ത്‌ സയൻസ്‌ കോഴ്‌സ്‌ നിർത്തലാക്കാനുള്ള തീരുമാനം പുനഃപരിശോധിക്കുക തുടങ്ങിയ ആവശ്യങ്ങൾ ഉന്നയിച്ച് രാവിലെ ഒമ്പതിനാണ് പ്രതിഷേധം. എം.എസ്‌.എഫ്‌ പ്രവർത്തകർക്ക് ഐക്യദാർഢ്യവുമായി മുസ്ലിം യൂത്ത്‌ ലീഗ്‌ കമ്മിറ്റിയും മാർച്ച് നടത്തും.