നവതിയാഘോഷവും ഡിജിറ്റൽ ക്ലാസ് മുറികളും ഉദ്‌ഘാടനവും

പട്ടാമ്പി: മണ്ണേങ്ങോട് എ.യു.പി. സ്‌കൂളി​െൻറ നവതിയാഘോഷം ഉദ്ഘാടനവും ഡിജിറ്റൽ ക്ലാസ്മുറികളുടെ ഉദ്ഘാടനവും മന്ത്രി എ.കെ. ബാലൻ നിർവഹിച്ചു. മുഹമ്മദ് മുഹ്‌സിൻ എം.എൽ.എ അധ്യക്ഷത വഹിച്ചു. 'മണ്ണെങ്ങോട് എ.യു.പി.സ്‌കൂൾ@90' നവതി പതിപ്പ് ബ്ലോക്ക് പഞ്ചായത്ത് പ്രസിഡൻറ് വി.എം. മുഹമ്മദലി പ്രകാശനം ചെയ്തു. കൊപ്പം ഗ്രാമപഞ്ചായത്ത് പ്രസിഡൻറ് പി. സുമിത ഏറ്റുവാങ്ങി. പ്രധാനാധ്യാപകൻ എം. കൃഷ്ണദാസ് റിപ്പോർട്ട് അവതരിപ്പിച്ചു. ജില്ല പഞ്ചായത്തംഗം എം. രാജൻ, ബ്ലോക്ക് പഞ്ചായത്തംഗം കമ്മുക്കുട്ടി എടത്തോൾ, യു. അജയകുമാർ, ഇ. സുരേഷ്‌കുമാർ, ശ്രീലത, ജോജോ ദേവസ്സി, പി.എം. വാസുദേവൻ, പി. ഉസ്മാൻ, യൂസുഫലി സംസാരിച്ചു.