ബാങ്ക് പൂട്ടുന്നതിനെതിരെ പ്രതിഷേധ കൂട്ടായ്മ

കല്ലടിക്കോട്: പാലക്കയത്തെ സൗത്ത് ഇന്ത്യൻ ബാങ്ക് ശാഖ അടച്ചു പൂട്ടുന്നതിനെതിരെ ജനകീയ ആക്ഷൻ കമ്മിറ്റി പാലക്കയത്ത് പ്രതിഷേധ കൂട്ടായ്മ സംഘടിപ്പിച്ചു. ഗ്രാമപഞ്ചായത്ത് പ്രസിഡൻറ് കെ.ടി. സുജാത ഉദ്ഘാടനം ചെയ്തു. ആക്ഷൻ കൗൺസിൽ ചെയർമാൻ ഷാജു പഴുക്കാത്തറ അധ്യക്ഷത വഹിച്ചു. ബെഫി സംസ്ഥാന പ്രസിഡൻറ് സജി വർഗീസ് മുഖ്യ പ്രഭാഷണം നടത്തി. ബ്ലോക്ക് പഞ്ചായത്ത് അംഗം ചന്ദ്രിക രാജേഷ്, മുൻ പ്രസിഡൻറ് എൻ.ടി. തോമസ്, ഫാ. രാജു, തങ്കച്ചൻ, ഒ. നാരായണൻകുട്ടി, സന്തോഷ്, ഷാജി, ബീന ജോയി, കെ.എ. ഗ്രേസി, കെ.കെ. തോമസ്, കൺവീനർ ജോർജ് എന്നിവർ സംസാരിച്ചു.