സഹപാഠിക്ക് തണലൊരുക്കി വിദ്യാർഥികൾ

മലപ്പുറം: സ്വന്തമായി വീടില്ലാത്ത വിദ്യാർഥിക്ക് സൗഹൃദ തണലൊരുക്കി സഹപാഠികൾ. മലപ്പുറം സ​െൻറ് ജെമ്മാസ് ഹയർ സെക്കൻഡറി സ്കൂളിലെ എൻ.എസ്.എസ് യൂനിറ്റ് നേതൃത്വത്തിലാണ് സഹപാഠിക്കായി വീടൊരുക്കിയത്. മന്ത്രി കെ.ടി. ജലീൽ താക്കോൽദാനം നിർവഹിച്ചു. സമൂഹത്തിന് മുന്നിൽ മഹത്തായ മാതൃകയാണ് വിദ്യാർഥികളുടേതെന്ന് അദ്ദേഹം പറഞ്ഞു. പി. ഉബൈദുല്ല എം.എൽ.എ അധ്യക്ഷത വഹിച്ചു. സ്കൂളിലെ എൻ.എസ്.എസ് യൂനിറ്റ് നിർമിച്ച് നൽകിയ മൂന്നാമത്തെ വീടാണിത്. ഹയർ സെക്കൻഡറി പരീക്ഷയിൽ മികച്ച വിജയം നേടിയവർക്ക് മന്ത്രി ഉപഹാരം നൽകി. എൻ.എസ്.എസ് സ്റ്റേറ്റ് േപ്രാഗ്രാം കോഒാഡിനേറ്റർ ഡോ. ജേക്കബ് ജോൺ മുഖ്യപ്രഭാഷണം നടത്തി. ആർ.ഡി.ഡി ഷൈല റാം, എൻ.എസ്.എസ് ജില്ല കൺവീനർ മുഹമ്മദ് അഷ്റഫ്, പ്രിൻസിപ്പൽ ടി.എ. േഗ്രസി, േപ്രാഗ്രാം ഓഫിസർ സോളി ജോർജ്, എം.സി. അനീഷ്, കെ.എ. സുരേഷ്, യു. മുഹമ്മദലി, ഫാ. കെ.എസ്. ജോസഫ്, ഫാ. സെബാസ്റ്റ്യൻ ചെമ്പുകണ്ടത്തിൽ, ലുബാബത്ത് ഉമ്മർ എന്നിവർ സംസാരിച്ചു.