ഉർദു ടാലൻറ്​ മീറ്റ്: ചരിത്രം കുറിച്ച് ലെഗസി സ്‌കൂൾ

തച്ചനാട്ടുകര: അല്ലാമ മുഹമ്മദ് ഇഖ്ബാല്‍ ഉര്‍ദു ടാലൻറ് മീറ്റ് മത്സരത്തില്‍ തുടര്‍ച്ചയായ രണ്ടാം തവണയും സംസ്ഥാനത്തെ മികച്ച ഉര്‍ദു ക്ലബായി തച്ചനാട്ടുകര ലെഗസി എ.യു.പി സ്‌കൂളിനെ തെരഞ്ഞെടുത്തു. ഉര്‍ദു ൈകയെഴുത്ത് മാഗസിന്‍ നിര്‍മാണത്തില്‍ സംസ്ഥാനതല മത്സരത്തില്‍ തുടര്‍ച്ചയായ രണ്ടാംതവണയും മൂന്നാംസ്ഥാനം ലെഗസി എ.യു.പി സ്‌കൂളിനുതന്നെ ലഭിച്ചു. കോഴിക്കോട് നടന്ന ചടങ്ങില്‍ കരിക്കുലം കമ്മിറ്റി മെംബര്‍ എന്‍. മൊയ്തീന്‍ കുട്ടി മാസ്റ്റര്‍ ലെഗസി എ.യു.പി സ്‌കൂള്‍ ഉർദു അധ്യാപകന്‍ ഫിറോസ്ഖാന്‍ പുത്തനങ്ങാടിക്ക് ട്രോഫിയും അവാര്‍ഡും നല്‍കി. ഫോട്ടോ സംസ്ഥാനത്തെ മികച്ച ഉർദു ക്ലബിനുള്ള അവാർഡ് കരിക്കുലം കമ്മിറ്റി അംഗം മൊയ്തീന്‍ മാസ്റ്ററിൽനിന്ന് ലെഗസി സ്‌കൂൾ ഉർദു അധ്യാപകൻ ഫിറോസ്ഖാൻ പുത്തനങ്ങാടി ഏറ്റുവാങ്ങുന്നു