കേരള ഗസറ്റഡ് ഓഫിസേഴ്‌സ് യൂനിയന്‍ സംസ്ഥാന സമ്മേളനം 12 മുതൽ

പാലക്കാട്: കേരള ഗസറ്റഡ് ഓഫിസേഴ്‌സ് യൂനിയന്‍ സംസ്ഥാന സമ്മേളനം ജനുവരി 12, 13, 14 തീയതികളില്‍ പാലക്കാട് സൂര്യരശ്മി കണ്‍വെന്‍ഷന്‍ സ​െൻററില്‍ നടക്കുമെന്ന് സംഘാടകര്‍ വാർത്തസമ്മേളനത്തില്‍ അറിയിച്ചു. 13ന് രാവിലെ 10.30ന് മുന്‍ മുഖ്യമന്ത്രി ഉമ്മന്‍ചാണ്ടി ഉദ്ഘാടനം ചെയ്യും. മാധ്യമ സെമിനാര്‍, വനിത സമ്മേളനം എന്നിവ നടക്കും. 14ന് രാവിലെ 10.30ന് പ്രതിനിധി സമ്മേളനം പ്രതിപക്ഷ നേതാവ് രമേശ് ചെന്നിത്തലയും സാംസ്‌കാരിക സമ്മേളനം ബാലചന്ദ്രന്‍ വടക്കേടത്തും ഉദ്ഘാടനം ചെയ്യും. വൈകീട്ട് നാലിന് സമാപന സമ്മേളനം ടി.എന്‍. പ്രതാപൻ ഉദ്ഘാടനം ചെയ്യും. വാർത്തസമ്മേളനത്തില്‍ സംസ്ഥാന പ്രസിഡൻറ് എസ്. അജയന്‍, ജനറല്‍ സെക്രട്ടറി ഇ.എം. ബാബു, വൈസ് പ്രസിഡൻറുമാരായ ടി.എ. പത്മകുമാര്‍, കെ.എ. കുര്യാക്കോസ് എന്നിവർ പങ്കെടുത്തു.