കാർ മരത്തിലിടിച്ച് കെ.പി.സി.സി സെക്രട്ടറിക്കും മകൾക്കും പരിക്ക്

നിലമ്പൂർ: കെ.എൻ.ജി റോഡിൽ മമ്പാട് ടാണക്ക് സമീപം കാർ നിയന്ത്രണം വിട്ട് മരത്തിലിടിച്ച് കാർ യാത്രികർക്ക് പരിക്കേറ്റു. കെ.പി.സി.സി സെക്രട്ടറി ചന്തക്കുന്ന് സ്വദേശി വി.എ. കരീമിനും മകൾ ഡോ. അമലിനുമാണ് പരിക്കേറ്റത്. ഇവരെ കോഴിക്കോെട്ട സ്വകാര‍്യ ആശുപത്രിയിൽ പ്രവേശിപ്പിച്ചു. തിങ്കളാഴ്ച രാവിലെ ഒമ്പതരയോടെയാണ് അപകടം. നിലമ്പൂരിൽ നിന്ന് മലപ്പുറത്തേക്ക് പോവുന്നതിനിടെ എതിരെ വന്ന ബൈക്ക് യാത്രികനെ വെട്ടിച്ചപ്പോൾ നിയന്ത്രണം വിട്ട കാർ റോഡരികിലെ മരത്തിലിടിക്കുകയായിരുന്നു. പരിക്ക് ഗുരുതരമല്ല. ബൈക്ക് യാത്രികനും നിസ്സാര പരിക്കേറ്റു. പടം:3- മമ്പാട് ടാണക്ക് സമീപം അപകടത്തിൽപ്പെട്ട കാർ