അങ്ങാടിപ്പുറത്ത്​ ഇന്നുമുതല്‍ രാത്രി ഗതാഗതനിയന്ത്രണം

പെരിന്തല്‍മണ്ണ: അങ്ങാടിപ്പുറം െറയില്‍വേ മേൽപാലത്തില്‍ അറ്റകുറ്റപ്പണി നടത്താൻ ചൊവ്വാഴ്ച മുതല്‍ മൂന്നുദിവസം രാത്രി ഗതാഗതനിയന്ത്രണം ഏര്‍പ്പെടുത്തും. രാത്രി എട്ട് മുതല്‍ രാവിലെ ആറ് വരെയാണ് നിയന്ത്രണം. വളാഞ്ചേരി, കോട്ടക്കൽ, മലപ്പുറം, മഞ്ചേരി ഭാഗത്തുനിന്നുള്ള വാഹനങ്ങള്‍ ഓരാടംപാലം, വലമ്പൂർ, പട്ടിക്കാട് വഴി പാലക്കാട് ഭാഗത്തേക്ക് പോകണം. കോഴിക്കോട് ഭാഗത്ത് നിന്നുള്ള വാഹനങ്ങള്‍ വള്ളുവമ്പ്രം, മഞ്ചേരി, പാണ്ടിക്കാട്, മേലാറ്റൂര്‍ വഴിയും പാലക്കാട് ഭാഗത്തേക്ക് പോകണമെന്ന് പെരിന്തല്‍മണ്ണ ട്രാഫിക് യൂനിറ്റ് എസ്.ഐ അറിയിച്ചു. മേല്‍പാലത്തിൽ കുഴികൾ രൂപപ്പെട്ടതിനാൽ പഴയ ടാറിങ് ഇളക്കി മാറ്റിയാണ് അറ്റകുറ്റപ്പണി.