പലപ്പോഴും താല്‍ക്കാലികക്കാരൻ; ഇ.എൻ ഇനി ഫുൾടൈം

മലപ്പുറം: 66കാരനാണ് പുതിയ ജില്ല സെക്രട്ടറി ഇ.എൻ. മോഹൻദാസ്. പലതവണ ജില്ല സെക്രട്ടറിയുടെ താല്‍ക്കാലിക ചുമതല വഹിച്ച അദ്ദേഹത്തിനായിരുന്നു മലപ്പുറം, വേങ്ങര ഉപതെരഞ്ഞെടുപ്പുകളുടെ ചുമതല. രണ്ട് തെരെഞ്ഞടുപ്പുകളിലും എൽ.ഡി.എഫിനുണ്ടായ നേട്ടം ഇദ്ദേഹത്തിന് അനുകൂലഘടകമായി. വിദ്യാർഥി പ്രസ്ഥാനത്തിലൂടെ പൊതുരംഗത്ത് സജീവമായ ഇ.എൻ 22 വർഷമായി സി.പി.എം ജില്ല സെക്രേട്ടറിയറ്റംഗമാണ്. കോട്ടക്കലിനടുത്ത് ഇന്ത്യനൂർ സ്വദേശിയായ ഇദ്ദേഹം മണ്ണഴി എ.യു.പി സ്കൂൾ അധ്യാപകനായിരുന്നു. 2007ൽ പ്രധാനാധ്യാപകനായി വിരമിച്ചു. യുവജനപ്രസ്ഥാനമായ കെ.എസ്.വൈ.എഫി​െൻറ ജില്ല പ്രസിഡൻറും ഡി.വൈ.എഫ്.ഐയുടെ പ്രഥമ ജില്ല പ്രസിഡൻറുമായിരുന്നു. ഇന്ത്യനൂർ എടയാട്ട് നെടുമ്പുറത്തെ പരേതരായ വേലു നായരുടെയും പാറുക്കുട്ടിയമ്മയുടെയും മകനാണ്.