വഴിക്കടവിൽ ആളില്ലാത്ത വീട്ടിൽ വാതിൽ തകർത്ത് മോഷണ ശ്രമം

നിലമ്പൂർ: ആളില്ലാത്ത വീട്ടിൽ വാതിൽ തകർത്ത് മോഷണ ശ്രമം. വഴിക്കടവ് നെല്ലിക്കുത്ത് കൂലിപുരക്കൽ ജോർജ് കുര്യ‍​െൻറ വീട്ടിലാണ് മോഷണ ശ്രമം നടന്നത്. ജോർജ് കുര‍്യനും കുടുംബവും കുവൈത്തിലാണ്. ഇരുനില വീടി‍​െൻറ മുൻവശത്തെ വാതിൽ തകർത്ത നിലയിലാണ്. ജോർജി‍​െൻറ സഹോദരൻ പോൾ ജോർജാണ് വീട് സംരക്ഷിച്ചുപോരുന്നത്. ഇയാളുടെ പരാതിയിൽ വഴിക്കടവ് പൊലീസ് കേസെടുത്ത് അന്വേഷണം നടത്തി. വീടി‍​െൻറ പണിപ്പുരയിൽ സൂക്ഷിച്ചിരുന്ന പിക്കാസ്, കമ്പിപ്പാര എന്നിവ ഉപയോഗിച്ചാണ് വാതിൽ തകർത്തതെന്നാണ് കരുതുന്നത്. വാതിൽ തകർത്ത ശേഷം ആയുധങ്ങൾ അവിടെതന്നെ ഉപേക്ഷിച്ച നിലയിലാണ്. മോഷണ ശ്രമത്തിന് പിന്നിൽ ഭിക്ഷാടന മാഫിയകളാണെന്നാണ് പൊലീസ് നിഗമനം. ഒരാഴ്ച മുമ്പാണ് ജോർജ് കുര‍്യനും കുടുംബവും കുവൈത്തിലേക്ക് പോയത്. വീട്ടിൽ വിലപിടിപ്പുള്ള വസ്തുകൾ സൂക്ഷിച്ചിരുന്നില്ല. പടം:6 - വഴിക്കടവ് നെല്ലിക്കുത്ത് കൂലിപുരക്കൽ ജോർജ് കുര്യ‍​െൻറ വീടി​െൻറ വാതിൽ മോഷ്ടാക്കൾ തകർത്ത നിലയിൽ