മിനിമോൾ ടീച്ചർക്ക് വള്ളിക്കുന്ന് പൗരാവലിയുടെ ആദരം

വള്ളിക്കുന്ന്: വൈദ്യുതാഘാതേമറ്റ ഡ്രൈവറുടെ ജീവൻ രക്ഷിച്ച മിനിമോൾ ടീച്ചറെ വള്ളിക്കുന്ന് പൗരാവലി ആദരിച്ചു. സി.കെ.ജി സ്മാരക ചാരിറ്റബിൾ സൊസൈറ്റിയുടെ ആഭിമുഖ്യത്തിൽ നടന്ന ആദരിക്കൽ ചടങ്ങ് പി. അബ്ദുൽ ഹമീദ് എം.എൽ.എ ഉദ്ഘാടനം ചെയ്തു. പി.വി. മുകുന്ദൻ അധ്യക്ഷത വഹിച്ചു. വള്ളിക്കുന്ന് ഗ്രാമപഞ്ചായത്ത് പ്രസിഡൻറ് വി.എൻ. ശോഭന, അംഗങ്ങളായ എ.കെ. ഷൈമലത, സി. സുഹ്‌റ, ഒ. ലക്ഷ്മി, പട്ടയിൽ ബാബുരാജ് എന്നിവർ സംസാരിച്ചു. പി.ഐ. ബാലഗംഗാധരൻ സ്വാഗതവും സി. വേണുഗോപാൽ നന്ദിയും പറഞ്ഞു. മിനിമോൾ ടീച്ചർക്ക് വള്ളിക്കുന്ന് പൗരാവലിയുടെ ഉപഹാരം പി. അബ്ദുൽ ഹമീദ് എം.എൽ.എ വിതരണം ചെയ്യുന്നു