കുഴിബോംബ്: അന്വേഷണം സംഘങ്ങളായി തിരിഞ്ഞ്​

കുറ്റിപ്പുറം: പാലത്തിനടിയിൽ കുഴിബോംബ് കണ്ടെത്തിയ സംഭവത്തിൽ വിവിധ സംഘങ്ങളായി തിരിഞ്ഞ് അന്വേഷണം ആരംഭിച്ചു. പാലത്തിൽനിന്ന് എറിഞ്ഞതാകാനുള്ള സാധ്യതയാണ് പരിശോധിക്കുന്നത്. എന്നാൽ, സൈന്യം ഉപയോഗിക്കുന്നതായതിനാൽ വിശദ പരിശോധന നടത്തിയാൽ മാത്രമെ കൂടുതൽ വിവരങ്ങൾ പറയാനാകൂ എന്നാണ് പൊലീസ് നിലപാട്. പ്രാഥമിക അന്വേഷണം മലപ്പുറം എസ്.പിയുടെ കീഴിൽ നടത്തി വിശദ അന്വേഷണത്തിന് മറ്റ് ഏജൻസികളെ ഏൽപ്പിക്കാനാണ് സാധ്യത. എൻ.എസ്.ജി, മിലിട്ടറി ഇൻറലിജൻസ് വിഭാഗങ്ങളും അന്വേഷണം നടത്തും. പാലത്തിൽനിന്ന് എറിയാനുള്ള സാധ്യത കണക്കിലെടുത്ത് ലേസർ സംവിധാനമുപയോഗിച്ചുള്ള പരിശോധയും നടത്തും.